យើងរួមគ្នាបង្កើតសន្តិភាព

           នៅថ្ងៃទី៤ ខែកញ្ញា ឆ្នាំ២០២១ ក្រុមការងារដឹកនាំដោយលោក ហ៊ុត ហេន នាយកអង្គការ UPF ភូមិភាគបាត់ដំបង និងលោក ហង់ វីរៈ ប្រធានគ្រួសារសន្តិភាព ស្រុកសំឡូតបានចុះរៀបចំកម្មវិធីផ្តល់ និងទទួលទឹកផ្លែឈើពិសិទ្ធ សម្រាប់គូត្រៀមរំលឹកខួបអាពាហ៍ពិពាហ៍ Online 5/9/2021 ។ កម្មវិធីនេះបានរៀបចំសម្រាប់គ្រួសារត្រៀមប្រសិទ្ធិពរជ័យនៅក្នុងឃុំតាសាញ ចំនួន ៥គូ។  

ថ្ងៃទី១៧ ដល់ថ្ងៃទី២១ ខែកុម្ភៈ ឆ្នាំ២០១៨ ខ្ញុំបាននាំភរិយារបស់ខ្ញុំទៅចូលរួមវគ្គសិក្ខាសាលានៅមជ្ឈមណ្ឌលបណ្តុះបណ្តាល របស់អ្នកម្តាយមូន នៅទីក្រុងសេអ៊ួល សាធារណរដ្ឋកូរ៉េ។ ដែលកម្មវិធីនេះគាំទ្រដោយអង្គការ សហព័ន្ធសន្តិភាពសកលកម្ពុជា UPF។ ខ្ញុំ និងភរិយាមានអារម្មណ៍សប្បាយចិត្តយ៉ាងខ្លាំង និងសូមអរគុណដល់ថ្នាក់ដឹកនាំរបស់អង្គការ UPF ដែលបានផ្តល់ឱកាសឲ្យយើងខ្ញុំបានស្គាល់ប្រទេសកូរ៉េ ទាំងមិនហ៊ានប៉ងផងទេពីមុនមក។ គ្រប់យ៉ាងដែលយើងខ្ញុំ និងUPF កំពុងធ្វើគឺដើម្បីពិភពលោកទាំងមូលមានសុខសន្តិភាព។ សន្តិភាពត្រូវតែផ្តើមចេញពីខ្លួនយើងទាំងអស់គ្នា ត្រូវធ្វើឲ្យខ្លួនយើងមិនសន្តិភាពជាមុនសិនទើបអាចរកសន្តិភាពឲ្យអ្នកដទៃបាន។